رحیم یار خان اندھے قتل کا سراغ لگا لیا ،

رحیم یارخان  تھانہ سٹی سی ڈویژن پولیس نے اندھے قتل کی واردات 72 گھنٹوں میں ٹریس کر کے ملزم کو گرفتار کر لیا، مڈ درباری میں کرایہ دار اپنی بیوی جو کہ چار بچوں کی ماں تھی کو گلا گھونٹ کر موت کی گھاٹ اتار کر فرار ہو گیا تھا۔ تفصیل کے مطابق ڈی ایس پی سٹی سرکل آصف رشید اور ایس ایچ او تھانہ سٹی سی ڈویژن انسپکٹر حسن اقبال کی نگرانی میں سب انسپکٹر محمد جاوید ارشد پراچہ دیگر پولیس پارٹی کے ہمراہ عباسیہ ٹاؤن میں گشت کناں تھے کہ اسی دوران پکار 15 سے اطلاع ملی کہ مڈدرباری کی گلی نمبر 21 کے ایک مکان جس میں کرایہ دار رہائش پذیر تھے میں ایک خاتون کی نعش پڑی ہے جس پر وہ فوری طور پر موقع پر پہنچے تو ایک خاتون مردی حالت میں موجود تھی جسے گلا گھونٹ کر موت کی گھاٹ اتارا گیا تھا، حسب ضابطہ کارروائی عمل میں لاتے ہوئے نعش کو پوسٹ مارٹم کے  لیے ہسپتال منتقل کیا گیا اور مکان سے ملنے والے ایک اسٹام پیپر سے اس سنگین وقوعہ کی تفتیش کا آغاز ہوا پولیس نے جدید ٹیکنالوجی اور روائتی طریقہ تفتیش کے ساتھ تمام تر وسائل بروئے کار لاتے ہوئے مسلسل محنت جاری رکھی اور آخر کار بہاولپور جھانگی والا کے رہائشی شریف بلوچ کو ٹریس کر کے حراست میں لے لیا گیا جس نے دوران تفتیش اعتراف جرم کرتے ہوئے بتایا کہ مقتولہ رابعہ بھٹی راجپوت اس کی بیوی تھی جس کے بطن سے چار بچوں نے جنم لیا جو کہ زندہ حیات ہیں، گھریلو ناچاکی کی بناء پر اس نے رابعہ کو گلے میں پھندا لگا کر گلا گھونٹے ہوئے موت کی گھاٹ اتارا ہے جس پر پولیس نے ملزم شریف بلوچ کو حسب ضابطہ گرفتار کرتے ہوئے مزید قانونی کارروائی کا آغاز کر دیا ہے۔